الخميس، 28 يناير، 2016

ناس حِلووه



الناس الحِلووه والجميله البِزينـو ليك حيـاتك وبخلوو ليها طعم خاصه , وبِتحس معاهم بالراحه والفرح , قـرِب مِنهم , شيل عنهم خووفهم وتعبهم واحزانهم , خليك جمبهم علي طول يمكن يسيبووك في اي لحظة ومن دون مقدمات , والقدر ما بدق الباب .
عشـان كِـدا فرِحهم ياااخ
😙 , اتامل وِجوههُم واحفظ ملامِحهم كوييس لانو بجي عليك يوم تتمنى اِنـك تشوفهم حتى لو في نومك .
‫#‏الزول_الجميل_في_حياتك‬ ما شرِط يكون حبيبك . ) وُيا سيد الفرحه ونفس الروح خليك وياي نبني الجنه 😙 ( .

هنســاك


انا ما هَنسـاكْ لاني حبيتك , حبيتك جدا جدا والله , اِنتَ روحي وكياني وكل حياتي , ما قادر استوعب اِنك خلاص نهيت كُل البينا في غمضَت عيـن .. اِنتَ مُش عارِف انا متعلق بيك قدر كيف! واني مستحيل اعمل حاجه مهما كانت صغييره اِلا ارجع ليك انتَ واستشيرك .. طيب هسي انا تاني اعمل شنـو ؟ واستشير منـو ؟ ألقى زول وين تااني عشان يملا الفراغ الخليتو لي ورااك ..!
..
ياااااااه دنيـا غريبه فعلا نحِب لينا زول ويكـون من البدايه ماشي معانا تماام التمام , ونِحنَ شنو اااخِر روواقه وإنبسـاطه , وشويه كدا نلقاه اِنقلب علينا راسآ علي عقب وشنو كمان بُكلِ برود خلاص يااااخ معليش لازم نَفترِق وربنا يوفقك مع غيري لاني ما هسعدك في حيـاتك ! .
ـ لاااا يا شييخ قول كلام غير دا ..

طيب ما كان تقول من البدايه ليه قُلـتَ لي هسي ,
وما بتقول كمان إلا بعد ما انا احبـك واتعلق بيك ,
عليييك الله ما تمشي وتخليني يااااخ , والله حياتي مِن دوونك ولا تسـوى , بترجاااك خليك معـاي وانا بعمل الِانت عايزو , اِن شـاء الله اقتـل ليك نفسي بس ما تمشي عشان خـاطري
.
..
) خليك بِتفهم وما تآذن في مالطا
(
ـ اِنت انسـان عِندك مشاعرك واحاسيسك الجميله , ربنا كرمك بحاجات كتييره وعزاك بِنعمت الفهم وخلى عِندك فِكر مُخَتِلفْ تماما عن باقي المخلوقات, اداك عقلك عشان تقدر تستوعب وتحدد بيه الحاجه الصاح من الحاجه الغلـط , اداك عقل عشان تفكر بيه , ما عشان تخليه وتلجئ لقلبك وتمشي وراه ,
قلبك ذي ماهو مًلِك احاسِيسك إلا إنو مرات بكون مَلِك فـاشِل ومُمكِن عادي جِدآ يغتس حجرك
!
..
ـ عشـان كِدا النـدم والتحسُر عمـرو ما بغيـر حـاجه
والفات بِأختيـارو صدقني ما بِرجع تـاني , ما تهلِك نفسـك وتفكيرك في حل معادلة حياتيه فاشـله
.
‫#‏نصيحه‬
حاول انسى جُرحك واتعايش مع حيـاتك عـادي ,
وما تفكِر تفكيير سَلبي وتقول اِنك ما هـ تقدر تنسى زولك لانك حبيتو بِاخلاص واخلصت ليه وبقي كل حاجه لييك , لانك لو فكرت كدا والله عمرك ما تنساه وحتكون مقيد بيه وبي ذكرياتو للابد .
‫#‏نصيحه_تانيه‬ ²
لازم تدي نفسـك فُرصه وتفتح ابواب النسيان الِانتَ قافِلها بِكلمة سِـر خاصه بيك انتَ وبس , ماف زول غيرك ممكن يعرفها او يغييرها ) انا بحبو وما بقدر انساه ( او ) حاولت انساه بس ما قِدرتَ ( !
ـ بتحبـو بعد سابك وسلب قلبك ؟ انتَ الخسران .
ـ لو حاولت فعلا وكررت المحاوله هتقدر تنسـاه , دا حتى كتـرت التٍكرار بِتعلم الحٌمار رغم اِنو ما عِندو عقُل , اِبقي انت الربنا كَرمك ما قادر تتعلم !

..
النسيان فنْ فـ ) تعلم كيف تنسـى لتعيـش (.

حياتك جميله

حاجه جمييله لماَ يكون حواليك في ناس بِحسسوك بقيمتك , واِنو الحياة رائعه واِنتَ وسطيهم , لا حزن لا كُره لا ألم , حتي ذِكرياتك بِتتبخر وبتنساها واِنتَ معـاهُم .. لانهم لا في يوم شخطو فيك وزعلوك ولا في يوم حسسوك اِنك ما عِندك قيمه او فايده في حياتهم .. بِـ العكس بِخلوك دايمـا تحِس بِـ الامـان والفرحه ,وتفكيرك دايما بِكون في كيف انك تحافِظ عليهم وما تخلي ااي مكروُه يصيبهم , او اِنك تغلط وتزعِلهم , لانك عارف ومتاكد اِنك مُمييز في حياتهم ذي ما هم كمان مُمييزين جِـدآ في حياتك .
..
لحظات حِلوه بِسجلها عَقلك , ووجِوه نايره ومُشرِقه بِتترسم جوواك , واحاسيس مُبعثـره بدواخلك ما بين حَبـک وتعلُقك بيهم , وما بين فَرحك وسعادتك واِنتَ وسطيهم .. حتي واِنتَ وسط ناسك ديل وكمية الحب المتوالده بيناتكم بِتشرُد بِـ ذهنك وتقعد تفِكر واِنتَ مُبتسِم ,هـ تقعُد تقارِن ما بين حياتك السابقه الكلها غير مضبوطه مِن سهرات في النِت والكافيهات لـ علاقات حُب منتهية الصـلاحيه .. وما بين ناسك الاِنتَ وسطيهم ديل ولسه الابتسامه مرسومه علي وشك , ساعتها هِـ تِتهور وتقرر تبزِل كُلِ جُهدك عشان تحافِظ علي الموجودين معاك ديل وتمسح ماضيك بِأستيكه
.
..
لما ربنا يبتلي عبدو بشيل اجمل حاجه عندو , ودا ما إبتلي بس ربنا عطوف وكريم , ومُمكِن تتعبرها قرصة وِدن عشان تفتِح عينيك وتشوف الطريق صاح لانك اكيد ساعتها بِتكـون ماشي غلط
🚦 .
ـ اما لما ربنا يحب عبدو بِسخر ليه كللللَ الحاجات الحِلووه والجميله , بوفر ليه كل اللِنفسو فيه , وبسخر ليه ناس حلووين عارفين يعني شنو حَب حقيقي وصداقه حقيقيه , ما بِتكون واخِد بالك مِنهم اِلا وهمَ مقتحمين عليك حيـاتك بِكل فَرح وسلام
.
‫#‏اِنتَ_وانتي‬
اكيد كُل واحد عِندو صديق او حبيب مِعتبرو النص التاني في حيـاتو , ومِكمل ليك الطيبه والحنان والشهامه , بِهظر معاك وبكاوييك , وياكِلك بِـ ايدو ويشربك من ريدو , مافِ فروقات بيناتكم لانكم اصلاً واحِد , والواحد مهما ينقسِم بدي نفس الناتِج
.
..
يـ ريت كُلِ وُاحِد فيكم ما يخلي حياتو اسيره لامِـور وذكريات تافهه حصلت ليه في يوم من الايام ,حاوِل طِلع نفسك مِن جـو الافلام العايش فيه دا , وعاين كِدا حواليك واكتفي بِالناس البتفضل تبتسم ليك كل ما تشوف خِلقتك .. واحمِد ربك انو في باب سلبي اتغفل في وشك واِتفتح غيرو باب ايجابي بحياتك
smile emoticon .
‫#‏كسره‬
ما تفكِر اِنك تدخل في علاقة حُب ما لم تتاكد تماما اِنك قدُرها , لانك مهما كُنتَ قوي وعِندك شخصيه قويه , بس صدقني قلبك ذي الحرامي الفوق راسو ريشه , قاعِد علي الهبشه ..!
واِذا في شخصيه مُمييزه في حياتك يبقيَ حافِـظ عليها بِصدق واِخلاص , وما تدخِل مشاعرك او طرف جديد بيناتكم عشان البينكم يكون ثابت علىَ كِده وما يحصل فَركِش .
‫#‏للعقول_الراقيه‬
) خليك ذي قُوس قُزح , بس ما توقِف المطر ( .

نقاط وحلول




‫#‏النقطه_الاولى‬
اخِر مره قعدتَ مع نفسك متين ! ولو قعدت طلعت بِشنو من القعدة دي ؟ قررت تعمل حاجه مُعينه ذي مثلا اِنك تحِب , وتشتغِل وتأسِس مُستقبلك عشان تفوز بحبيبك , ولا انت قاعد حيطه ساي ونفسك ما عِندك ليها حاجه او بالداارجي كدا " دمك بقـري " ! .

‫#‏النقطه_الثانيه‬
طيب فكرت كم مره اِنك تطلع من حياة ناس ما حاسين بِـ قيمتك معاهم , واِنك دايما بتلقي مِنهم الصد والردود البارده ؟

‫#‏النقطه_الثالثه‬
فكرت كم مره انك تتخارج من الشِله العزيزه علي
قلبك وما بِتحس بِطعم الفرح اِلا واِنتَ قاعد معاهُم ووسطيهم ) افراد الشِله ( ,بس فِلان داك دخل في
الشِله دي ولانو زمان خرب لي حياتي واتخلي عني انا ما هقدر اوصل فيها لازم اطلع منها واخليها ليه مخدِره .

‫#‏النقطه_الرابعه‬
واخِر مره ضحكة مِن قلبك متين ! ضحكه كِدا تكون حسيتها طالعه مِن جووه اعماقك ما فيها مُجامله او تزييف , حصل ضحكة ضحكه ذي دي ولا اِنتَ ضحكاتك كُلها بانيها علي اساس تثبت للناس اِنك بخير وفراق زولك ليك ما مأثِر فييك !

‫#‏النقطه_الخامسه‬
حصل عملت حاجه واِنتَ مُقتنِع بيها بـ جد ولا بتختار اي حاجه تمشي بيها امورك بس وخلاص , وما مُهِم عِندك اذا كانت الحاجه دي صاح ولا خطأ او اذا مُمكن تأذيك بعدين او لا ؟

‫#‏النقطه_السادسه‬
حصل في انسان طلع مِن حياتك وسبب ليك هاجِس وفراغ كبيير فيها ؟ , حبيت زول حُب صادِق وبعدها خلاك ورحل ؟ , ولا اِنتَ ربنا مرييحك وباعدك عن العلاقات دي لحدي ما يجيـك سيد عدلك ؟

‫#‏النقطه_السابِعه
حياتك ماشه كيف : مبسوط , فرحان , حزين مكتِئب , مُتألِم , عِندك امل في الحياة ومتفائل بالخير , ولا قاعِد ومُربِع إِيديك فوق بعض لا عِندك امل ولا الرضيه ؟
..
ـ لو فاكر انو حياتك بتتصلح واِنتَ في الحاله الانت فيها دي تبقى غلطان , ولو معديها نووم وقعاد في البيت وكِتابه وشرييط ورق ! ابقي جد عووض ابووك علي الله .
..
‫#‏الحِلول‬
ـ الاولى :
اقعد مع نفسسك وراجِعها وشووف مستقبلك .

- الثانيه :
ناس ما خاتيين ليك قييمه في حياتهم اطلع منها بِكُل بساطه , سيبهم وامشي عادي, اكسب زمنك وخلي نفسك عزيزه .
ـ الثالثه :
وشِلتك الِانتَ فيها وبتحس بالراحه واِنتَ قاعد وسط افرادها , اوعَ تفكِر تسيبها عشان في زول دخل فيها وكان ليك معاه علاقه قبلِ كِدا , اثبِت وخلي عِندك ولو حاجه بسسيطه مِن صفات الشخصيه القويه , وطالما الشِله دي مكانك المحُبب يبقي زولك هوواَ الـِ لازِم يمشي ما اِنتَ ! .
ـ الرابعه :
الضحكه دايما خليها تنبُع مِن قلبك بُكلِ صِدق , ما تفكر تزييفها عشان تخفي ملامِح وشك الحقيقيه ,ما تضحك غَصبَ عَنك عشان تخفي ألاامك وجروُحك ,عايز تضحك اضحك بجد , وصدِقني شويه وحتلقى نفسك ثابته وخاليه من حاجه اِسمها حُزن , لانو القلِب بِعمل علي حسب ردود افعالك اِنتَ , اذا كان تفكيرك سلبي فـ قلبك كمان بِكون سلبي في كل حاجه حتي في مشاعرك , اما إذا كان تفكيرك ايجابي فـ قلبك كمان بكون ايجابي وبتعود بعدها علي الايجابه ودا المطلوب .
ـ الخامسه :
لما تجي تعمل اااي حاجه مهما كانت صغييره لازِم تعملها واِنتَ مُقتِنع بيها ميه في الميه , ما تعمل حاجه وتقول امششي بيها اموري وخلاص , لالا
لازم تكون عندك نظره ثاقبه لِقدام حتى في الحُـب لما تحِب فكِر هل علاقتك بي زولك هتستمِر وتُتوج بدخولكم القفص الذهبي , ولا حتكون علاقه عابِرة ونهايتها الاام واحزان وحاجه ما مُرحب بيها , عشان كِده خلي تفكيرك دايما اكببر مِن حاجتك العايزها .
ـ السادسه :
ولو انسان طلع من حياتك وخلاك اِنتَ مُشرد وضائع
ما بين الحُب الكامِن جواك ليه وما بين فراقو الغيير
مُبِرر ليك , اِبقي لااازم تصحصِح كِدا وتغسِل قلبك مِنو ومِن حُبو , بس الغسيل لازم يكون بِـ ديتول ما
بِـ مويه عاديه , ولو لزِم الامر غسِلو بي موية نار , المهم تنساه وترجِع قلبك ذي الاول , ودي ما حاجه
صعبه , لو قسيت علي نفسك شويه وفكرت في العملو معاك وفي مصلحتك ساعتها هـ تفوق لـِ نفسك .. اما لو ما حصل دخلت في علاقه يبقي جد جد ربنا بِحبك , ونصيحه ما تفكر تدخل خليك علي طبيعتك كده احسن وارحم ليك .
ـ السابِعه :
حياتك خليها مِثاليه دايما , وكلُ حاجه تحصل معاك
وما تعجبك خليها علي الله ما تسب زمانك ولا اااي حاجه تانيه , وقول " قدر الله وما شاءَ الله فعل " وخيرها في غيرها .. خلي عندك امل وهدف اسعى
لتحقيقو , لانو حياتك ربنا ملكك ليها عشان تصلِحها
وتعمِرها بجهودك وارادتك ما عشان تحزن وتكتئب , خليك ذي ما ربنا خلقك لا شائل هم دنيا لا باكي علي فراق حبيب , خليك اِنتَ خليك مُختَلِف √ .
..
اذا شايف الكلام دا عِندو فائده شاركو مع غيرك او اذا عندك حد شايف اِنو مُمكن يستفيد مِنـو ابقى اعمل ليه تـاق .

الحب

الحُـب ما إنك تتعلق وتتمسك باااي حاجه جميييله تشووفها قدامك او زول استلطفك وقدم ليك خِدمه
الحُـب ما زول وسيم وراقي اِنتَ بتتعلق بيه اول ما يقابلك او عينيك صدفه تقع في عينيه
.



الحُب ما ونسات وطلعات واكِل فُشار , الحُـب ما مسكان ايد ونوم في الحضن , الحُب ما انكم تمشو مناطق عامه وتضحكو باعلى صوت لييكم .
الحب ما اِنكم تمشو مكان نائيه عشان تقضو اغراضكم الشيطانيه
😈 .
ـ الحب ما بخليك تتزهج في الحواليك عشان ميعاد حبيبك قررب وانت لسه ما جِهزتَ او عندك مواضيع كتيره واهم مِعطلاك وما عارف تتصرف كيف !
الحب ما تشهير للمجتمع علي اساس انِك داخِل علاقه وبقيت تنهي وتامر
.
الحب ما انك تقعد مع اصحابك وتحكي ليهم اسرارك مع زولك وتوريهم رسايلو وصورو
!
الحب ما علاقه بين اي اتنين ارتاحو لبعض وخلاص الحب اكبر من كدا
!
الحب ياخ ما انك تخلق جوو رومانسي وحلو وتعيش الدور .. الحب ما بخليك تفرض سيطرتك علي زولك لانك عارفو مِتعلق بيك وما بِكسر ليك كلمة
.
الحب ما بخليكم تعيشو الدنيا وتنسو انو في اخره وحِساب وعِقاب .. والحب ما بقيف حاجز بينك وبين واجِباتك واهلك واصحابك ويخليك تقطع ارحامك !
الحب ما بخليك تستهزاء بشخص قدام زولك عشان تثبت انك قوي وليك صيت قدامو
.
ـ ‫#‏الحـُـب_شِنو‬
الحب انك تدي اكتتر مِما تشيل
اِنك تخاف علي زولك من نفسك ومن الحواليه . اِنك تساعدو بجد لما يحتاج المساعده , ما تساعدو عشان بِـ المقابل تشيل منو حاجه خفيه علي الناس .
ـ انك تحب زولك ذي عينيك لا تزعلو لا تعودو عليك وتفوت تخليه .. الحُب انك تحفظ اسرارك مع زولك ما تشيلها وتحكيها لاصحاب السـوء , وانك تحافظ علي شرف حبيبك وسمعتو , واِنك تخاف عليه من كلام الناس وشمشرتهم , واِنك ما تتزهج في الناس وتشاكلهم
.
ـ الحب انك تسامح حتي لو كنت انت الغلطان , انك تغفر مهما كان حجم المشكله , انك تحس بي زولك حتي قبل ما يتكلم
.
الحب انك إذا في يوم شفت زولك حزين تحزن معاه حتي قبل ما تعرف قِصتو , انك تخلي زولك يضحك ويحس بالامان وهو معاك , وانك تثبت للعالم انك ما بتلعب بمشاعر زولك وضاحك عليه
.
الحب انك تخليه في النور , وتدق الباب وتخطف زولك بالحلال
..!
ـ الحب انك لو عايز تفارق زولك تفارقو وهو بدعي ليك بالخير والتوفيق , انك تخليه راضي ومُقتنع بفكرة الفراق , الحب انك تخليه يقدر يعيش بعدك .
..
الحُب انك تعيش الدنيا وفاكر الاخره , انك تاخد زولك في ايدك وتقول ليه يلا ارح نصلي الوقت جا
ـ الحب انك ما تنسى اهلك واصحابك ومعارفك, انك تقيف معاهم وتحبهم وتفِرحهم , انك تفكر فيهم وما تنساهم ,انك تخليهم في الصوره وعلي علم بعلاقتك مع زولك
.
الحب انك تحب الحب نفسو عشان تعرف تطبق قواعدو , انك تعرف معناه الحقيقي وتعمل بيه , انك
تحب زولك عن يقين ودقت قلب , انك لما تحب تحب
وانت فعلآ مشاعرك واحاسيك اتحركت وبقت ملك لزولك ما ليك
.
..
الحب احساسك بـ غييرك وغيرتكم عليهم

الحب اهتمام بصدق وريد نابع ما اعماقك
.
ولما تحب خليك متذكر انو قلبك حيتعرف علي قلب جديد , هـ يإسرو ويخليه مِلكو , وما من حققك انك تنسحب بعد تعلق قلب تاني بييك لانو حباك واطمئن ليك , ابدا ما من حققك
. ..
خلي قلبك كبيير لما يدي يِدي الكُل ومن دون مُقابل
وافرِح الحواليك حتى اذا انت حزين وما فرحان ,
فكِر بِزولك لانو مُستقبلك وريدك , ما تجرحو وتهين كرامتو ,
ـ واذا داير تخلي غيرك يحبك عشان تلعب بمشاعرو وتقضي وقت وفي الاخر تجرحو ابقى احسن تقتل نفسك او تعتزل الكون لانو حرام , حرام انك تهين زول او تالمو تحت اسم الحب
.
الحب اسمى من اننا نستعملو استعمال خاطىء لتحقيق اغراض دنيويه او شهوانيه باطله
.
..
الحب احساس , واهتمام وتضحيه , الحب حيـاة بجد
‫#‏عايز_تحِب_حِب_بِفهم‬ 😙

الاثنين، 11 يناير، 2016

امي ست ريدي



ﺍﻟﺴﻌﺎﺩﻩ ﻣﺎ ﺑﺘﻜﺘﻤﻞ ﺍِﻻ ﻭﺍﻧﺘﻲ ﻣﻌـﺎﻱ , ﺍﺟﺘﻤﻌﺖ ﻓﻴـﻚ ﻛﻞ ﺍﻟﺼﻔﺎﺕ ﺍﻟﺤﻠﻮﻩ ﻭﺍﻟﺠﻤﻴﻠﻪ .. ﺭﺍﻗﻴﻪ ﻭﺍﻧﻴﻘﻪ ﻭﻃﻴﺒﻪ ﻭﺣﻨﻴﻨﻪ ﻭﺑﺘﺤﺒﻲ ﺍﻟﻨﺎﺱ , ﺑﺘﺴﺎﻋﺪﻱ ﺍﻟﻤُﺤﺘﺎﺝ ﻭﺑﺘﻘﻴﻔﻲ ﻣﻊ ﺍﻟﻔﻘﻴﺮ ﻗﺒـﻞ ﺍﻟﻐﻨﻲ .. ﺯﻭﻟﻪ ﺭﺑﻨـﺎ ﻏﺮﺱ ﻓﻴـﻚ ﻛﻞ ﺟﻤﺎﻝ ﺍﻟﻄﺒﻴﻌﻪ ﻭﺭﻭﺡ ﺍﻟﺘﺴﺎﻣﺢ . ﻭﻣﻦ ﺍﻭﻝ ﻣﺎ ﺷﻔﺘﻚ ﻭﺍﺗﻌﺮﻓﺖ ﻋﻠﻴﻚ ﺑﻘﻴﺘﻲ ﻛﻞ ﺣﺎﺟﻪ ﺑﺎﻟﻨﺴﺒﻪ ﻟﻲ , ﺑﺘﻨﻔﺴﻚ ﺷﻬﻴﻖ ﻭﺯﻓﻴﺮ , ﺑﺘﺰﻛﺮﻙ ﻃﻮﺍﻟﻲ ﻓﻲ ﺻﻼﺗﻲ ﻭﺩﻋـﻮﺍﺗﻲ ﻭﻭﻧﺴﺎﺗﻲ ﻭﻛﻞ ﺣﺎﺟﻪ . ﻭﻟﻤﺎ ﺍﺣﺰﻥ ﺑﻠﻘﺎﻛﻲ ﺟﻤﺒﻲ ﻗﺒـﻞ ﻛﻞ ﺍﻟﻨﺎﺱ ﺗﻤﺴﺤﻲ ﺩﻣﻮﻋﻲ ﺑﺎﻧﺎﻣﻠﻚ ﺍﻟﻤﻄﻠﻴﻪ ﺑﻤﻮﻳﺔ ﺍﻟﺪﻫﺐ .. ﻭﺍﻭﻝ ﻣﺎ ﺍﻋﺎﻳﻦ ﻟﻴﻚ ﻭﺍﺗﺎﻣﻞ ﻣﻼﻣﺢ ﻭﺷـﻚ ﺑﻠﻘﻲ ﺍﻟﺒﺴﻤﻪ ﻭﺍﻟﻔﺮﺡ ﺭﺟﻌﻮ ﻭﺍﺗﺮﺳﻤﻮ ﻓﻲ ﺣﻴـﺎﺗﻲ ﻣﻦ ﺟﺪﻳﺪ . ﻋﺎﺭﻓﻪ ﺍﻧﺎ ﻟﻮ ﻓﻘﺪﺗﻚ ﺍﻣﻜﻦ ﺍﻣـﻮﺕ ﺍﻭ ﺍﺟﻦ ﺍﻭ ﻛﻤﺎﻥ ﻣﻤﻜﻦ ﺗﺤﺼـﻞ ﻟﻲ ﺇﻧﺘﻜﺎﺳﻪ ﻓﻲ ﺣﻴﺎﺗﻲ ﻭﺍﻓﻘﺪ ﻛﻞ ﺣﺎﺟﻪ ﻛﺎﻧﺖ ﺟﻤﻴﻠﻪ ﻭﺍﻧﺘﻲ ﻣﻌﺎﻱ .. ﻻﻧﻲ ﻣﺎ ﺑﺸﻮﻑ ﺍﻟﺠﻤﺎﻝ ﺍﻻ ﻭﺍﺷﻮﻓﻚ ﻣﻌـﺎﻩ . ﻭﺣﺘﻰ ﻟﻤﺎ ﺍﺟﻲ ﺍﻧـﻮﻡ , ﺑﻔﻀـﻞ ﺻﺎﺣﻲ ﻟﺤﺪﻱ ﻣﺎ ﺗﺴﻤﻌﻴﻨﻲ ﺻـــﻮﺗﻚ ﻭﺗﻘﻮﻟﻲ ﻟﻲ ﺗﺼﺒﺢ ﻋﻠﻲ ﺧﻴﺮ ﺣﺒﻴﺒﻲ , ﻭﻋﻠﻲ ﻛﺪﺍ ﺍﻧﻮﻡ ﻣﺮﺗﺎﺡ ﺣﺘﻲ ﻣﻦ ﻏﻴﺮ ﺗﺤﺼﻴﻦ . ﻭﻟﻤﺎ ﺍﺟﻲ ﻃﺎﻟﻊ ﻟﻤﻜﺎﻥ ﻻﺯﻡ ﺗﻘﻮﻟﻲ ﻟﻲ ﺧﻠﻲ ﺑﺎﻟﻚ ﻣﻦ ﻧﻔﺴـﻚ ﻭﺭﺑﻨـﺎ ﻳﺤﻔﻈﻚ ﻭﻳﻮﻓﻘﻚ ﻭﻳﺴﻬﻞ ﻃﺮﻳﻘﻚ , ﺗﻌﺮﻓﻲ ﺍﻧﻲ ﻟﻮ ﻣﺎ ﺳﻤﻌﺖ ﺍﻟﺪﻋﻮﺍﺕ ﺩﻱ ﻣﻨـﻚ ﻳﻮﻣﻲ ﺑﻜﻮﻥ ﻧﺎﻗﺺ ﻭﻛﺌﻴﺐ ﻭﻛﻠﻮﻭ ﻣﺸﺎﻛﻞ . ﻭﺍﻧﺎ ﻭﺍﻟﻠﻪ ﺑﺤﺒـﻚ ﺍﻛﺘـﺮ ﻣﻦ ﺍﻱ ﺣﺎﺟﻪ ﻓﻲ ﺍﻟﺪﻧﻴﺎ , ﺣﺐ ﻻ ﺑﺘﻮﺯﻥ ﺑﺎﻟﺪﻫﺐ ﻭﻻ ﺍﻟﻤﺎﺱ , ﺩﺍ ﺣﺐ ﻣﺰﺭﻭﻉ ﺟـﻮﺍﻱ ﻣﻦ ﺍﻭﻝ ﻣﺎ ﺭﺑﻨـﺎ ﻛﺒﺮﻧﻲ ﻭﻧﻔﺦ ﻓﻴﻨﻲ ﺍﻟﺮﻭﺡ . ﺑﺤﺒـﻚ ﺑﺤﺠﻢ ﺍﻟﺘﻀﺤﻴﺎﺕ ﺍﻟﻘﺪﻣﺘﻴﻬـﺎ ﻋﺸـﺎﻧﻲ ﺑﺤﺒـﻚ ﺑﺤﺠﻢ ﺍﻟﻮﺟﻊ ﺍﻻﺗﺎﻟﻤﺘﻴﻪ ﻋﺸﺎﻥ ﺗﺠﻴﺒﻴﻨﻲ ﻟﻠﺪﻧﻴﺎ ﺑﺤﺒـﻚ ﺑﺤﺠﻢ ﺍﻟﺴﻌـﺎﺩﻩ ﻭﺍﻟﻔﺮﺡ ﻭﺍﻻﻣﺎﻥ ﻭﺍﻟﺤﻨﻴﻪ ﻭﺍﻟﺮﺍﺣﻪ ﺍﻟﻮﻓﺮﺗﻴﻬﺎ ﻟﻲ . ﺑﺤﺒـــﻚ ﺟـﺪ ♥ ﺩﻱ ﺍﻣﻲ , ﻭﺍﻣﻚ ﻭﺍﻡ ﻛﻞ ﻭﺣﺪ ﻓﻴﻨـﺎ ﺩﻱ ﺍﻻﻡ ﺍﻟﺤﺒﻬﺎ ﻣﺎ ﺑﺘﻐﻴـﺮ ﻻﺑﺪ ﺍﻟﺪﻫﺮ ﻻ ﺑﺘﺨﻮﻭﻧﺎ ﻭﻻ ﺑﺘﻔﺘﺶ ﻋﻦ ﺑﺪﻳـﻞ ﻟﻴﻨﺎ ﺑﺘﻬﺘﻢ ﺑﻴﻨـﺎ ﻭﺗﺎﻛﻠﻨﺎ ﻭﺗﺸـﺮﺑﻨـﺎ ﻣﺠـﺎﻥ ﻣﺎ ﻣﻨﺘﻈﺮﻩ ﻣﻨﻨـﺎ ﺍﺍﺍﻱ ﻣﻘﺎﺑﻞ ﺍﻭ ﺧﺪﻣﻪ ﺩﻱ ﺍﻟﺤﺒﻬﺎ ﻋﻠﻲ ﺍﺻـﻮﻟﻮ ﺩﻱ ﺍﻟﺠﻨــﻪ . ﺣﺎﺍﺍﻭﻝ ﺍﺧﺘـﺎﺭ ﺳﺖ ﺭﻳﺪﻙ ﻭﺗﻜﻮﻥ ﺻﻔﺎﺗﻬﺎ ﺯﻱ ﺍﻣـﻚ , ﻭﺣﺎﺍﺍﻭﻟﻲ ﺍﺧﺘـﺎﺭﻱ ﺳﻴﺪ ﺭﻳﺪﻙ ﻭﺻﻔﺎﺗﻮ ﺯﻱ ﺍﺑـﻮﻙ . ﻭﻟﻮ ﻣﺎ ﻟﻘﻴـﺘﻮ ﺯﻳﻬﻬﻢ ﻭﺍﺻﻼ ﻣﺎ ﺣﺘﻘﻠﻮ 😕: ﺍﺑﻘﻰ ﺍﺧﺘـﺎﺭ ﺳﻴﺪ ﺍﻟﻘﺴﻤﻪ ﺍﻟﻌﻴﻨـﻚ ﺑﺘﺮﻣﺶ ﻟﻴﻪ . ﻭﻟﻮ ﻓﻲ ﻳﻮﻡ ﺍﻛﺘﺸﻔﺖ ﺍﻧﻮ ﺍﻟﻘﺴﻤﻪ ﺧﺰﻟﺘﻚ ﻭﺍﻟﻘﺪﺭ ﻭﻗﻌﻚ ﻓﻲ ﺍﻟﺰﻭﻝ ﺍﻟﺨﻄـﺎ , ﺳﺎﻋﺘﻬﺎ ﻗﺒـﻞ ﻣﺎ ﺗﻌﻤﻞ ﺍﻱ ﺧﻄـﻮﻩ ﻣﻤﻜﻦ ﺗﻨﺪﻡ ﻋﻠﻴﻴﻬﺎ , ﻓﻜﺮ ﻛﻮﻭﻳﺲ ﻭﺻﻠﻲ ﺭﻛﻌﺘﻴﻦ ﻟﺮﺑﻨـﺎ .. ﻭﺍﻫﻢ ﺣﺎﺟﻪ ﻟﻤﺎ ﺗﻔﻜﺮ ﻣﺎ ﺗﺪﺧﻞ ﻗﻠﺒﻚ ﻓﻲ ﺍﻟﻤﻮﺿﻮﻉ ﻻﻧﻮ ﺍﻛﻴﻴﺪ ﺑﺪُﻟﻚ ﻋﻠﻲ ﺣﺎﺟﻪ ﺣﺘﺴﺒﺐ ﻟﻴﻚ ﻧﻜﺴﻪ ﻭﻟﻮ ﻣﺎ ﻭﺻﻠﺖ ﻟﺤﻞ ﻣﻘﻨﻊ ﺍِﺑﻘﻰ ﺣُﻀﻦ ﺍﻣﻚ ﻗـﺎﻋﺪ ﺍﻣﺸﻲ ﺣﺘﻠﻘﺎﻩ ﻣﺮﺣﺐ ﺑﻴﻚ ﻭﻓﻲ ﺷﻮﻭﻕ ﻛﺘﻴﺮ ﻟﻴﻴﻴﻴﻚ .

زولنا ولكن

ﻣﺎﻑ ﺍﻧﺴـﺎﻥ ﻓﺎﺷﻞ ﻭﺍﻧﺴﺎﻥ ﻏﺒﻲ , ﻣﺎﻑ ﺯﻭﻝ ﺟﻤﻴﻞ ﻭﺯﻭﻝ ﺷﻴﻦ ﺍﻭ ﻗﺒﻴﺢ , ﻭﻣﺎﻑ ﺯﻭﻝ ﺍﻓﻀﻞ ﻣِـﻦ ﺯﻭﻝ . ﻓﻲ ﺯﻭﻝ ﺍِﺟﺘﻬﺪ ﻭﺳـﺎﻫﺮ ﻭﺷِﻘﻰ ﻭﻧﺠﺢ , ﻭﻓﻲ ﺯﻭﻝ ﺗﺎﻧﻲ ﻧﺎﻳﻢ ﻭﺧﺎﻟﻂ ﻭﺩﺍﺧﻞ ﺍﻟﻔﻴﺲ , ﻭﻓﻲ ﺯﻭﻝ ﺗﺎﻟـﺖ ﻛﻤﺎﻥ ﻻ ﺑﻘﺮﻯ ﻭﻻ ﺧﺎﻟﻂ ﻭﻻ ﺣﺘﻰ ﺑﺪﺧﻞ ﺍﻟﻔﻴـﺲ !.. ❀❀❀ ـ ﻓﺮﻕ ﻛﺒﻴﺮ ﻭﺩﻧﻴـﺎ ﻭﺍﺳﻌﻪ ﻭﻣﻠﻴﺎﻧﻪ ﻏﺮﺍﺋﺐ ﻭﻋﺠـﺎﺋﺐ , ﺭﺑﻨﺎ ﺧﻠﻘﻨﺎ ﺳﻮﺍﺳﻴﻪ ﻭﻣﺘﺸﺎﺑﻬﻴﻦ ﻓﻲ ﺍﺧﻼﻗﻨﺎ ﻭﺗﻌﺎﻣﻠﻨﺎ ﻭﻃِﺒﺎﻋﻨـﺎ , ﻣﺎﻑ ﺣﺎﺟﻪ ﻏﻴـﺮﺗﻨـﺎ , ﻧِﺤﻦَ ﺑﺮﺍﻧـﺎ ﺍﻟﻐﻴﺮﻧﺎ ﺍﻧﻔُﺴﻨـﺎ ﻭﺑﻘﻴﻨـﺎ ﻋﺎﻣﻠﻴﻦ ﺫﻱ ﺣﻼﻭﻭﻭﺓ ﻗُﻄـﻦ ﻣِﻦ ﺑﺮﻩ ﺟﻤﻴﻠﻪ ﻭﻟﻤﺎ ﻧﺘﺬﻭﻗﻬﺎ ﻧﻠﻘﻰ ﻣﺎ ﻋﻨﺪﻫﺎ ﺍﻱ ﻃﻌﻢ ﻭﺗﺬﻭﺏ ﺑِﺴـُﺮﻋﻪ . ﺷﻔﺘﻮ ﺣﻼﻭﻭﺓ ﻗُﻄـﻦ ﺩﻱ > ﺩﻳـﻞ ﻧﺤـﻦ , ﺑﻨﻨﺨـﺪﻉ ﺑﺎﻟﻤﻈﺎﻫﺮ ﺩﺍﻳﻤﺎ ﻧﺸـﻮﻑ ﺯﻭﻝ ﻧﻘﻮﻝ ﺩﺍ ﺧﻼﺹ ﻣـﻼﻙ ﻧﺎﺯِﻝ ﻣﻦ ﺍﻟﺴﻤـﺎﺀ ﻭﺍﻛﻴﻴﺪ ﻣُﺨَﺘـﻠِﻒ ﻋﻦ ﺍﻟﺒﻘﻴـﺔ ! ﻭﻧﻤﺸﻲ ﺑﻜُﻞِ ﺛﻘﻪ ﻭﺑـﺨﻄﻮﺍﺕ ﺛﺎﺑﺘﻪ ﻧﻘﺮﺏ ﻣﻨﻮ ﻧﺘﻌﺮﻑ , ﻧﺪﺭﺩﺵ ﻭﻧﺘﻮﻧﺲ ﻭﻧﻀﺤـﻚ ﻣﻌـﺎﻩ ﻭﻧﺤﻦ ﻣﻄﻤﺌﻨﻴﻦ ξ ﺍﻻﺧِﺮ , ﻣﺎ ﺩﺍ ﻣﻼﻙ ﻣﺎ ﺣﻨﺨﺎﻑ ﻣﻨـﻮ ﻻﻧﻮ ﻣﺎ ﺯﻱ ﻧﺎﺱ ﻓﻼﻥ ﺍﻭ ﻓﻼﻧﻪ ﺍﻟﻐﺪﺍﺭﻳﻦ ﺍﻟﻮﺳﺨﻴـﻦ ﻭﻣﺎ ﺑﺼﻮﻧﻮ ﺍﻟﻌﺸـﺮﻩ . ﻭﻧﺼـﻞ ﻟﻤﺮﺣﻠﻪ ﺟـﺪﻳﺪﻩ ﻓﻲ ﻋﻼﻗﺘﻨـﺎ ﻭﻧﺤﺎﻭﻝ ﻧﺴَﻠِﻚ ﺍﻟﻤﻮﺿﻮﻉ ﻋﺸﺎﻥ ﺍﻣﻮﺭﻧﺎ ﺗﺒﻘﻰ ﻭﺍﺿـﺤﻪ ﻭﻧﻌﻴﻴﻴﺶ ﺍﻟﻠﺤﻈﻪ , ﻻﻧﻨﺎ ﺧﻼﺹ ﺫِﻫﺠﻨـﺎ ﻭﻣﻠﻴﻨﺎ ﻭﺍﻟﺰﻭﻝ ﺍﻟﻤﻼﻙ ﺩﺍ ﻣﺎ ﺑﻨﻔـﻮﺗﻮ ﻭﻻﺯﻡ ﻧﻤﺴﻚ ﻓﻴﻪ ﺑﺎﻳﺪﻳﻨﺎ ﻭﺍﺳﻨـﺎﻧﺎ . ❆❇❉ﻭﺍﻟﺒﺨﻠﻴﻨﺎ ﻧﻘﺮﻕ ﺯﻳﺎﺩﻩ ﺍﻧﻮ ﺍﻟﺰﻭﻝ ﺩﺍﻙ ﻛﻤﺎﻥ ﺑﻜﻮﻥ ﻋﻨﺪﻭ ﺣﺒﺔ ﺣﻤﺎﺱ ﻭﺑﻐﺮﺱ ﻓﻴﻨـﺎ ﺭﻭﺡ ﺍﻻﻣﻞ ﻓﻲ ﺍﻧﻮ ﻣﻤﻜﻦ ﻧﺒﻘﻰ ﺣﺎﺟﻪ ﻭﺍﺣﺪﻩ ﺑﺪﻭﻥ ﺍﺍﺍﺍﻱ ﻓﺮﻭﻗـﺎﺕ ﺍﻭ ﻓﻮﺍﺻﻞ ... ﻭﻟﻤﺎ ﺧـﻼﺍﺍﺍﺹ ﻓﻲ ﻳﻮﻭﻡ ﻛِـﺪﺍ ﻧﺠﻴـﻪ ﻓﺮﺣﺎﻧﻴﻦ , ﻭﻧﻌﺒِـﺮ ﻟﻴﻪ ﻋﻦ ﺍﻟﺠﻮﺍﻧﺎ ﺑﻜﻞِ ﺭﻳﺪ ﻭﺣـُﺐ ـ ﺑﻨﺘﻔﺎﺟﺊ ﺑﺮﺩ ﺳﻠﺒﻲ ﻭﺑﻜُـﻞِ ﺑـﺮﻭﺩ ﻳﻘﻮﻝ : ـ ﺣُﺐ ! ـ ﺑﻴﻦ ﻣﻨﻮ ﻭﻣﻨﻮ ؟ ﺍﻧﺎ ﻭﺍﻧـِﺖَ ! ﺍﻛﻴـﺪ ﺑﺘﻬﻈـﺮ ﺻـﺢ .. ؟ * ﻧﺪﺭﺑﻚ ﺳﺎﻋﺘﻬﺎ ﻭﻧﻘﻮﻝ : ﻣﺎ ﻫﻮ ﺍﻧﺖَ ﻗﻠﺖ ﺍﻧﻚ ﻣُﻌﺠﺐ ﺑﻲ , ﻭﺑﺘﺮﺗﺎﺡ ﻭﺍﻧﺖ ﻣﻌﺎﻱ ﻭﻏﻴﺮ ﺣﻨﻴﺘـﻚ ﻭﺍﻫﺘﻤﺎﻣﻚ ﺑﻲ ﺩﺍ ﻛـﻠﻮ ﻣﺎ ﺑﺪﻳﻨﻲ ﺩﺍﻓﻊ ﺍﻧﻲ ﺍﺣﺒـﻚ ؟ ! ـ ﻳﺎ ﺯﻭﻝ ﺣُـﺐ ﺷﻨـﻮ ﺍﻧﺖ ﻋﻴـﺎﻥ , ﺍﻟﺒﻴﻨﻲ ﻭﺑﻴﻨﻚ ﺩﺍ ﺣﺎﺟﻪ ﻋـﺎﺩﻳﻪ ﻭﻣﺎ ﺣﺼﻞ ﻓﻜـﺮﺕ ﻓﻴﻚ ﻛﺤﺒـﻴﺐ ﻭﺑﻌﺪﻳﻦ ﻛﺎﻥ ﻋﻠﻲ ﺍﻻﻫﺘﻤﺎﻡ ﻭﺍﻟﻄﺒﻄﺒﻪ ﺍﻧﺎ ﺫﺍﺗﻲ ﻧﺪﻣﺖ ﻋﻠﻴﻬﻢ ﺑﻌﺪ ﻛﻼﻣﻚ ﺩﺍ ﻗـﺎﻝ ﺣُـﺐ ﻗـﺎﻝ , ﺍﻧﺖ ﻋﻮﻳﺮ ﻭﻻ ﺷﻨـﻮ ! .. ـ ﻫـﺎﻩ ﺣﺘﻌﻤﻞ ﺷﻨـﻮ ﺳﺎﻋﺘﻬـﺎ ﺗﺮﺟﻊ ﺍﻟﺒﻴﺖ ﻭﺗﺒـﻜﻲ ﻭﺗﺘﺤﺴـﺮ ﻋﻠﻲ ﺣﻈﻚ ﺍﻟﻤﻬﺒﺐ ! ﻭﻻ ﺗﻤﺴﻚ ﺍﻟﺰﻭﻝ ﺍﻟﻜﻨﺖ ﻓﺎﻛﺮﻭ ﻣﻼﺋِﻜﻲ ﻭﺗﺪﻳﻪ ﺧﻨﻘﻪ ﻭﻛﺎﻡ ﺑُﻨﻴﻪ ﻛﺪﺍ ﺑﻤﺰﺍﺝ ! ﻭﺭﻳﻨﻲ ﺣﺘﻌﻤﻞ / ﻱ ﺷﻨـﻮ ؟ ـ ﻟﻮ ﺭﺟﻌﺖ ﺍﻟﺒﻴﺖ ﺗﺘﺤﺴﺮ ﻭﺗﺘﺒﻜﻰ ﻋﻠﻲ ﺍﻟﺨﺴﺮﺗﻮ ﻫﺴﻲ ﻭﻗﺒـﻞ ﻛﺪﺍ ﺻﺪﻗﻨﻲ ﺳﺎﻋﺘﻬﺎ ﺣﺘﺨﺴﺮ ﺍﻟﺒﺎﻗﻲ ﻋﻨﺪﻙ ﻛﻤـﺎﻥ ـ ﻭﻣﺎ ﺍﻇﻨـﻚ ﺣﺘﺮﺟﻊ ﻭﺗﺨﻨﻘـﻮ ﻻﻧﻮ ﺍﺻـﻼ ﻣﺎ ﻋﻨﺪﻭ ﺳﺒـﺐ ﻓﻲ ﺣـﺎﺟﻪ , ﺍﻧﺖ ﺑـﺮﺍﻙ ﺍﻟﻐﻠﻄﺎﻥ ﻣﻦ ﺳﺎﺳﻚ ﻟﻲ ﺭﺍﺳـﻚ ! ﻭﻟﻮ ﺭﺍﺟﻌﺖ ﻧﻔﺴﻚ ﻫﺘﻌﺮﻑ ﻏﻠﻄﺎﻥ ﻛﻴـﻒ . ـــــ ﻣﺎ ﺑﺎﻟﻀـﺮﻭﺭﻱ ﺗﻜـﻮﻥ ﻛَﺴـﺎﺭ ﻋﺸﺎﻥ ﺗﺤـﺐ ﻭﺗﺘﺤـﺐ , ﺧﻠﻴـﻚ ﺫﻱ ﻣـﺎ ﺍﻧﺖ , ﻣﺎ ﺗﺘﻐﻴـﺮ ﻋﺸﺎﻥ ﺗﻠﻔـﺖ ﺍﻧﺘﺒـﺎﻩ ﺯﻭﻝ ﻟﻴـﻚ .. ﻭﻣﺎ ﺗﺨﻠﻴﻚ ﺧﻔﻴﻒ ﻭﺍﻱ ﺯﻭﻝ ﺍﻫﺘﻢ ﺑﻴـﻚ ﻣﺎ ﻣﻌﻨـﺎﻫﺎ ﺑﺤﺒﻚ .. ﻭﻗﺒـﻞ ﻣﺎ ﺗﺘﻌﻤﻖ ﻟﻴﻚ ﻓﻲ ﻋﻼﻗﻪ ﺷﺪﻳﻴﻴﺪ ﺣﺎﻭﻝ ﺷـﻮﻑ ﻃﺒﻴﻌﺔ ﺍﻟﺰﻭﻝ ﺍﻻﻧﺖ ﺍﺗﻌﻠﻘﺖ ﺑﻴﻪ ﺍﻣﻜﻦ ﻣﻦ ﺑـﺮﻩ ﻛﺴـﺎﺭ ﻭﺧﻄﻴﻴﻴﺮ ﺑﺲ ﻣﻦ ﺟﻮﺍﺍﺍﻩ ﻓـﺎﻟﺼـﻮ ﻭﻣﺎ ﺑﺴﺘﺎﻫﻞ ﺗﻌﺮﻳﻔﻪ . ـ ﻣﺎ ﺗﻜـﻮﻥ ﻟﻐﻤﻪ ﺻﺎﻳﻐﻪ ﻓﻲ ﺧﺸﻢ ﺍﻟﺒﺴﻮﻯ ﻭﺍﻟﻤﺎ ﺑﺴـﻮﻯ , ﻭﻣﺎ ﺗﺪﺧﻞ ﻧﻔﺴـﻚ ﻓﻲ ﻣﻌﺮﻛﺔ ﺍﻧﺖ ﺍﺻـﻼ ﺧﺴـﺮﺍﻥ ﻓﻴﻬﺎ ﻗﺒﻞ ﺗﺨﻮﺿﻬﺎ . ﺍﺧﺘـﺎﺭ ﺣﺒﻴﺒﻚ ﺑﻌﻨﺎﻳﻪ ﻭﺍﺗﺎﻛﺪ ﻣﻦ ﻣﺸﺎﻋﺮﻭ ﺗﺠﺎﻫـﻚ ﺍﺫﺍ ﻛﺎﻧﺖ ﺣﻘﻴﻘﻴﻪ ﻭﻻ ﻻ , ﻭﻋﺸـﺎﻥ ﻛﻤـﺎﻥ ﻣﺎ ﺗﺘﻔﺎﺟﻰﺀ ﺑِـ ﺯﻭﻟﻚ ﺑﻌﺪ ﺍﻛﻠﺘـﻮ ﺍﻻﻳﺴﻜﺮﻳﻢ ﻣﻊ ﺑﻌﺾ ﻭﻣﻦ ﻧﻔﺲ ﺍﻟﻌﻠﺒﻪ ﺍﻧـﻮ ﻃﻠﻊ ﺣﻼﻭﻩ ﻗُﻄـﻦ .